ეს არის მოძრავი ობიექტების გადაადგილებაზე პროფესიონალური მონიტორინგის სისტემა. თქვენ შეძლებთ მობილური ტელეფონის აპარატით, ასევე კომპიუტერით თვალი ადევნოთ თუ სად არის ადამიანის ზუსტი ადგილსამყოფელი და როგორ გადაადგილდება ობიექტი (ადამიანი) Google -ს რუქაზე. მონიტორინგის წარმოება შეიძლება არა მარტო ერთ, არამედ ერთდროულად ბევრ ობიექტზე.

ამ სისტემის მეშვეობით მხოლოდ ერთ ”ანგარიშში” რეგისტრირებული ობიექტები (ადამიანები) ხედავენ ერთმანეთის გადაადგილებას თავის მობილური ტელეფონებიდან.

მომხმარებლის ”ანგარიში” ვებ გვერდზე გამოიყურება ასე: 

თქვენ უნდა დარეგისტრირდეთ ვებ გვერდზე, ასევე მობილურ აპარატში უნდა დაყენდეს ჩვენი პროგრამა (აპლიკაცია. ვიდეო ინსტრუქცია), რომელიც  შესაბამისი ინტერვალებით აგზავნის თავის ზუსტ კოორდინატებს და თქვენ ხედავთ ობიექტის გადაადილებას, სიჩქარეს, მიმართულებას. გაგზავნილი ინფორმაცია ინახება სერვერის მონაცემთა ბაზაში, ამიტომ თქვენ შეგიძლიათ მომავალში ყოველთვის ნახოთ ობიექტის გადაადგილების ისტორია, დროის ნებისმიერ მონაკვეთში. ჩვენ  ვკრძალავთ აღნიშნული სერვისის გამოყენებას ფარული თვალთვალისთვის, რაც ცალსახად გვიწერია წესებში. გამოყენების წესების დარღვევის შემთხვევაში ჩვენ მკაცრ რეაგირებას ვახდენთ, ასევე ვწყვეტთ მომსახურების გაწევას კონკრეტული მომხმარებლისთვის. ჩვენი აპლიკაციის (პროგრამის) მობილურში ჩართვისას  ეკრანის ზევით ჩნდება ჩვენი ლოგო (იკონი), რაც მომხმარებელს ამცნობს პროგრამის მუშაობის შესახებ. ეს მიმართულია ჩვენი სერვისის ფარულად გამოყენების საწინააღმდეგოდ.

ჩვენი სისტემა ეფუძნება ობიექტის ადგილმდებარეობის განსაზღვრას თანამგზავრული  GPS სისტემის გამოყენებით  და მონაცემების გადაგზავნას სერვერზე, ცენტრალურ მონიტორინგის სისტემაში. GPS-ის გაგზავნას ახორციელებს თქვენივე მობილური აპარატი ჩვენი პროგრამის მეშვეობით. მისი გამოყენება ძალიან მარტივი პროცესია და არ სჭირდება რაიმე ტექნიკური გამოცდილება ან სოპეციალური უნარჩვევები.

აღნიშნული შესაძლებლობა შეიძლება გამოყენებული იყოს როგორც საყოფაცხოვრებო, ისე კომერცილუ დანიშნულებით. მნიშვნელოვანია ის, რომ ამ სერვისის გამოყენების დროს ერთ ”ანგარიშში” რეგისტრირებულ ობიექტებს აქვთ შესძლებლობა ნახონ ერთმანეთის ადგილმდებარეობა  და ამით მათ შორის მყარდება მუდმივი ურთიერთ მონიტორინგი. აღნიშნული სერვისი შესაძლებელია გამოყენებული იყოს სხვადასხვა საქმიანობაში:

• ტურისტებისთვის, გიდებისთვის, ტურისტული მანქანის მძღოლისთვის;
• შვილების ლაშქრობაში ან სხვაგან გადაადგილების მონიტორინგისთვის;
• ხანდაზმული ოჯახის წევრებზე მზურველობისთვის;
• გადამზიდავი კომპანიის მძღოლების მონიტორინგისთვის;
• დისტრიბუციული კომპანიის მძღოლების მონიტორინგისთვის;
• ტაქსოპარკის მძღოლების მონიტორინგისთვის;
• სასწრაფო ან სამაშველო დახმარების მანქანების მონიტორინგისთვის;
• უძრავი ქონების სააგენტოს აგენტების გადაადგილების კონტროლისთვის;
• კომპანიის მიერ თავის თანამშრომლების გადაადგილებაზე მონიტირინგის გაწევა;
• ასევე სხვადასხვა დავალებების შესრულების პროცესში მონიტორინგისთვის;